«Ауыл аманаты» жобасы шеңберінде 2019-2023 жылдары республикалық және жергілікті бюджеттен жалпы құны 42,2 миллиард теңге бөлініп, ол қаржыға 62 ауылдық округтен 8028 жоба несиелендірілді. Ал 2024-2025 жылдарға 17,3 миллиард теңге сұратылған. Бөлінетін қаржыға 2 мыңға жуық несие беру көзделуде.

Мысалы, 2019 жылы «Ауыл аманаты» жобасы шеңберінде республикалық және жергілікті бюджеттен жалпы құны 8 471 миллион теңге несие қаражаты игерілсе, 2021 жылы қайтарылған несиелердің есебінен 1,3 миллиард теңгеге 3 ауылдық округ пилоттық жобаға енгізілді. 253 жоба қаржыландырылды. Ал 2022 жылы 7 миллиард теңге бөлініп, 10 ауылдық округтен 1210 кәсіпкер несиелендірілсе, 2023 жылы 25,5 миллиард теңге бөлініп, 10 ауданның 38 округінен 4076 жоба қаржыландырылды. 2024 жылға «Ауыл аманаты» жобасын іске асыруға республикалық бюджеттен қаржы бөлінген жоқ. 2025 жылға 5 миллиард теңге бөлу қарастырылып отыр.

Кері қайтарылған несиелер есебінен «Ауыл аманаты» электрондық платформасы арқылы «Тараз» ӘКК АҚ 3,5 миллиард теңгеге 510 өтініш қабылдап, жобаларды қаржыландыру жұмыстарын жүргізуде. Бүгінгі күнге қол жеткізген нәтижелеріміз төмендегідей: жаңадан 8028 жеке кәсіпкерлік нысан құрылды, ауылдық елді мекендерде жалпы саны 37 044 жұмыс орындары ашылды.

Жамбыл облысы бойынша Мемлекеттік кірістер департаментінің ақпаратына сәйкес 2025 жылдың 1 қаңтарында «Ауыл аманаты» жобасы аясында несиелендірілген жеке кәсіпкерлер тарапынан жалпы құны 1 миллиард 619,3 миллион теңге бюджеттік төлемдер төленген. Оның ішінде жеке табыс салығы – 238,5 миллион теңге, әлеуметтік салық – 130,1 миллион теңге, жер салығы – 3,7 миллион теңге, зейнетақы төлемдері – 702,9 миллион теңге, әлеуметтік төлемдер – 260,4 миллион теңге, МӘМС төлемдері 283,6 миллион теңге көлемінде.

Жоба толық іске асырылғанда келесі нәтижелер күтіледі: жаңадан 10 мыңнан астам жеке кәсіпкерлік нысан тіркеледі, атаулы әлеуметтік көмек алушылар саны 19 мыңнан астам адамға төмендейді, соның салдарынан бюджеттік үнемдеу жылына 1 миллиард теңгені құрайтын болады, нәтижесіз жұмыспен қамтылғандар саны 7 мыңнан астам адамға қысқарады, 300 мыңнан жоғары мал басы сатылып алынады, 231 мың тонна ет және сүт өнімдері өндіріледі, үй іргесіндегі егіс көлемін 109 777 аулаға дейін жетіп, 112 мың тонна көкөніс, бақша дақылдары өндірілетін болады.

Межеленген кезеңде 10 мыңға жуық жеке кәсіпкерлік нысаны ашылып, соның мультипликативтік әсерінің нәтижесі тұрғындардың табысының артуына, өндірістің, салық көлемінің ұлғаюына және басқа да салаларға оң әсерін тигізеді.

Қайрат КӨШЕНОВ,

Жамбыл облысы әкімдігінің ауыл шаруашылығы басқармасының басшысы.