«MF Sweet» ЖШС

Қызмет түрі: шоколад және желе конфеттерін өндіру.

Орналасқан жері: Жамбыл облысы, Тараз қаласы, Төле би көшесі, 336-үй.

«Тараз» ӘКК» АҚ қолдауымен облыс орталығында кондитерлік фабрика құру бойынша жоба іске асырылуда. Жобаның құны 8 млрд.теңге. Жобаның жеке серіктесі және бастамашысы ірі жобаларды іске асыруда тәжірибесі бар жергілікті инвестор Фарида Амансариевна Джунусова. Жобаны іске асыру үшін «Қазақстанның Даму Банкі» АҚ қаражатын тарту жоспарлануда.

Бұрынғы троллейбус паркінің аумағы кондитерлік фабриканы салуға арналған орын болып таңдап алынды. Айта кетерлігі, бұл жер «Тараз» ӘКК» АҚ-ға үлес ретінде бірлескен кәсіпорын ретінде берілген. Жоба аясында шоколад және желе конфеттерінің кең ассортиментін өндіру жоспарлануда. Өндіріс «Gecona TEK» GmbH фирмасының заманауи неміс жабдығы арқылы іске асатын болады. Өндіріс қуаттылығы - жылына 2500 тоннадан астам дайын өнім.

«Тараз Баспана» ЖШС

Қызмет түрі: көп пәтерлі тұрғын үйлер құрылысы

Орналасқан жері: Жамбыл облысы, Тараз қаласы, 14 шағын аудан

Тараз қаласында қолжетімді, заманауи тұрғын үй салу мақсатында «Тараз» ӘКК» АҚ «Sarmat Development» ЖШС-мен бірлесіп «Тараз қаласында тұрғын үй кешендері тобының құрылысы» жобасына қатысу туралы шешім қабылдады. Жобаны жүзеге асыру үшін «Тараз Баспана» ЖШС құрылды. «Тараз» ӘКК» АҚ тарапынан 14 шағын аудан құрылысына жер телімдері берілді. г. Тараз. Құрылыстың алдын ала сметасы - 38 млрд.теңге. Жобада 1800-ден астам пәтердің құрылысы салынады деп жоспарланған. Сату бағасы шаршы метріне 180 000 теңге.

«Тараз қаласында өмірлік қиын жағдайға тап болған азаматтар үшін көппәтерлі әлеуметтік тұрғын үйлер салу» жобасы

«Тараз» ӘКК» АҚ мен «Халық қайырымдылық қоры» жеке қоры арасында 01.03.2021 жылы бірлескен қызмет туралы шарт жасалды. Ол бойынша:

- «Тараз» ӘКК» АҚ-ның үлесі Тараз қаласы, 15 шағынаудан, Сүлейманов көшесінің соңында орналасқан, ауданы 2,55 га жер учаскесі болып табылады;

- Халық қайырымдылық қорының салымы әлеуметтік тұрғын үйлер құрылысына 800 000 000 теңгеден кем емес ақшалай қаражат болып табылады.

Бүгінгі таңда Халық қайырымдылық қоры тарапынан Тараз қаласы әкімдігінің көппәтерлі үйлердің құрылысы үшін қажетті инфрақұрылымды жеткізу бойынша кепілдік алу мәселесі пысықталуда. Содан кейін ӘКК мен Халық қайырымдылық қоры арасында жер учаскесін қабылдау-беру актісіне қол қойылатын болады.

«MEYIRIMDI ASYL ADAM» қайырымдылық қорымен бірлескен«Көп пәтерлі әлеуметтік тұрғын үйлер құрылысы» жобасы

Хх.хх.2021 жылы «Тараз» ӘКК» АҚ Басқармасының шешімімен «көппәтерлі әлеуметтік тұрғын үйлер құрылысы» жобасы аясында «MEYIRIMDI ASYL ADAM» қайырымдылық қорымен бірлескен қызмет туралы шартқа қол қою туралы шешім қабылданды.

Шарт шеңберінде ӘКК үлесі Тараз қаласы, 15 шағын аудан, Сүлейманов көшесінің соңындағы мекен-жайдағы ауданы 1,08 га жер учаскесі болып табылады;

Халық қайырымдылық қорының салымы әлеуметтік тұрғын үйлер құрылысына жұмсалатын ақшалай қаражат болып табылады.

Бүгінгі күні шарт тараптар арасында келісу сатысында тұр.

«South Holiday» ЖШС-мен бірлескен қызмет туралы шарт

Қызмет түрі: «Зербұлақ» көлінің аумағынан демалыс аймағын салу

Орналасқан жері: Тараз қаласында, «Зербұлақ» көлінің аумағы

Салымдар:

«Тараз» ӘКК» АҚ – ауданы 16,2 га жер учаскесі

«South Holiday» ЖШС – 1,5 млрд. теңге көлемінде ақшалай қаражат

Жоба «Зербұлақ» көлінің аумағында демалыс аймағын салуды көздейді. Демалыс аймағының аумағында мейрамхана, жазғы кафе, бассейндер, баскетбол алаңы, шағын футбол алаңы, теннис корты, атпен серуендеуге арналған алаң, балық аулау, жүгіру және вело жол сияқты қызметтер мен ойын-сауықтардың кең спектрі қолжетімді болады. Сондай-ақ балалар алаңы мен балалар бассейні салу жоспарланған.

«Айсара» ЖК-мен бірлескен қызмет туралы шарт

Қызмет түрі: ауыз су өндіру

Орналасқан жері: Т. Рысқұлов ауданы

Салымдар:

«Тараз» ӘКК» АҚ – 30,0 млн. теңге көлемінде ақшалай қаражат.

«Айсара» ЖК – 5,0 млн. теңге көлемінде ақшалай қаражат және 10,0 млн.теңге тұратын құрал-жабдық.

Жоба аясында құтыдағы ауыз су өндіріледі. Шикізат – артезиан көздерінен алынған су және тазартудың үш сатысынан өтетін орталықтандырылған желідегі ағын су.

«Меркі» суын өткізу тікелей ауыз суға мамандандырылған бөлшек сауда нүктелерінің желісі арқылы жүргізілетін болады.

«Таразстрой-2004» ЖШС-мен бірлескен «Қаралма» тау шаңғысы кешенінің құрылысы

2018 жылғы 30 қарашада «Тараз» ӘКК» АҚ және «Таразстрой-2004» ЖШС «Қаралма» тау шаңғысы кешенінің инвестициялық жобасын (бұдан әрі-жоба) іске асыру үшін бірлескен қызмет туралы шарт (бұдан әрі - шарт) жасасты.

Жобамен Жамбыл облысының Жуалы ауданында Халықаралық дәрежедегі тау шаңғысы кешенінің құрылысы көзделуде. Оның трассаларында шаңғышылар мен сноубордшыларды шеберліктің кез келген деңгейінде сырғанау және оқыту, сондай - ақ жарыстар, спорттық оқу-практикалық жиындар және спорттық-ойын-сауық шоуларын өткізу мүмкіндігі қамтамасыз етіледі.

«Тараз» ӘКК» АҚ тарапынан:

- Жалпы ауданы 21,0843 га 36 жер учаскесі;

«Таразстрой-2004» ЖШС тарапынан:

- тау шаңғысы кешенінің құрылысына жұмсалатын қаражат және т.б.

Бүгінгі таңда электрмен және газбен жабдықтау желілері тартылып, жол салынды (7 км). Кресло және сүйреткіш арқанды жолдар, техникалық бокс, кафе, сервис орталығы және абаттандыру объектілері құрылыстың аяқталу сатысында. Сонымен қатар 2023 жылдың соңына дейін қонақ үй, мейрамхана, жоғарғы алаңда кафе, бассейн және т.б. салынады.