«Тараз» ӘКК» АҚ-ы мамандарымен ағымдағы жылдың қаңтар және наурыз айларында Шу, Мерке, Т. Рысқұлов және Талас аудандарында «Ауыл аманаты» жобасының 5-ші бағыты  (Тұрғындардың өз кәсібін ашуы) бойынша несиелендірудің негізгі талаптары мен шарттары туралы түсіндірме жұмыстары жүргізілді. Несие алуға ниетті аудан тұрғындарының сұрақтарына толықтай жауаптар беріліп, өтініштері ескерілді, жобаны жетілдіру бойынша ауыл әкімдерімен ұсыныстар талқыланды.

           Алдағы  уақытта қалған аудандарда да түсіндіру жұмыстары жалғасатын болады.